Skuadra nga Tuzi, Deçiqi, ka angazhuar edhe një futbollist nga Kosova. Bëhet fjalë për mesfushorin Arlind Maloku që deri më tani ishte te Feronikeli 74.
“Maloku, mesfushor i talentuar dhe përfaqësues i U21 të Kosovës, vjen në klubin tonë me pritshmëri të larta dhe energji të re. I njohur për aftësitë e tij organizative në mesfushë, vizionin e lojës dhe disiplinën taktike, Arlindi do të jetë një përforcim i çmuar për skuadrën tonë në sezonin e ri”, ka njoftuar klubi shqiptar, që për drejtor sportive e ka Fatos Beqirajn.
Deçiqi është prej klubeve kryesore në futbollin e Malit të Zi.