Fillimisht ishte Declan Rice transferimi më i shtrenjtë në histori të Ligës Premier, por mesfushori anglez ra nga froni.
Arsenali pagoi 116 milionë euro për transferimin e tij nga West Ham, por vetëm disa javë më vonë ky rekord u thye.
Chelsea vendosi të shpenzoj 133 milionë euro për transferimin e mesfushorit ekuadorian duke e bërë atë lojtarin më të shtrenjtë në histori të Ligës Premier.
Rice e ka nisur me dy fitore sezonin te Arsenali, derisa për Caicedon ka qenë një debutim i hidhur te Chelsea pasi shkaktoi penallti në duelin ndaj West Ham.
Kjo ka bërë që pas ndeshjes Crystal Palace – Arsenal, gazetarët e Sky Sport ta pyesin Ricen për transferimin e Caicedos, derisa anglezi nuk i kurseu shakatë.
“E kisha ngritur në mur për dy javë çmimin tim, por tanimë ka rënë”, tha Rice duke qeshur.
por ky është vetëm fillimi dhe në fund të sezonit do të shihet se cila skuadër ka bërë investimin më të mirë në mesfushë, Chelsea apo Arsenal.