Ethet e futbollit tronditin tifozët në Katar, por edhe gjithë Kroacinë! Të gjithë janë gati për ndeshjen e sonte mes skuadrës kroate dhe argjentinasve, prandaj atmosfera e ndezur dhe emocionet tashmë ndihen në ajër! Kështu mblidhen tifozët kroatë para hotelit Hilton Doha në mbështetje të kombëtares së tyre para ndeshjes gjysmëfinale dhe mes tyre ishte edhe një fytyrë tashmë e njohur, shkruan Gazeta Sport.
Fjala është për nxitësen e tifozëve Magdalena Keçkiq, një influencuese gjermane me prejardhje kroate, e cila tashmë ka tërhequr shumë vëmendjen në Botëror.
Meqë ra fjala, Magdalena ka lindur në Gjermani, por verën e kalon në Kroaci, duke pasur parasysh se babai i saj është nga Kupresi dhe nëna nga Ston. Ajo ndiqet nga 305 mijë persona në Instagram dhe atje shpeshherë i trajton ndjekësit me foto mjaft sfiduese.
Kjo është modelja e dytë kroate që ka marrë vëmendje në Katar, pas numrit një, që është Ivana Knoll apo Ivana Doll. /Gazeta Sport/
