Real Madridi ka parë orët e fundit shfaqjen e një skandali të tmerrshëm që do të kishte preferuar ta shmangte.
Katër lojtarë të rinj nga Real Madridi, tre nga ekipi C dhe një nga Castilla, ekipi B, janë nën hetim për transmetimin e një video seksuale me një të mitur nën 16 vjeç.
Policia ndaloi katër lojtarët përpara se t’i lironte, pasi Real Madridi ka komunikuar zyrtarisht. Tani e tutje është koha e procedurës dhe dënimet me burg mund të jenë të rënda, siç shpjegon orët e fundit e përditshmja “AS”.
Sipas gazetës, lojtarët rrezikojnë një deri në pesë vjet burg, sipas Kodit Penal spanjol (neni 197). Dënimi do të varet nga faktorë të tillë, si pëlqimi i viktimës dhe shpërndarja e imazheve. Nëse viktima nuk pranonte, regjistruesi mund të dënohej me një deri në katër vjet burg dhe me gjobë nga 12 deri në 24 muaj.
Nëse transmetimi ka ndodhur, dënimi mund të jetë deri në pesë vjet. Dënimet do të jenë më të rënda, nëse viktima është e mitur. Në rast pëlqimi, gjobat ulen, përveç rastit kur viktima është e mitur. Gjithsesi, kjo çështje sapo ka filluar…