Sipas raportimeve nga Spanja, Interi është në negociata të avancuara për të transferuar Memphis Depayn nga Barcelona.
Në fakt, sipas gazetarit spanjoll, Gerard Romero, bëhet fjalë për një shkëmbim të tij me Joaquin Correan.
Sipas tij, Correa dhe dy klubet tashmë kanë rënë dakord për kushtet dhe se gjithçka varet tani nëse Depay e pranon lëvizjen.
28-vjeçari iu bashkua Barcelonës si lojtar i lirë nga Lyoni në verën e vitit 2021, por kontrata e tij është e vlefshme deri në fund të sezonit aktual dhe paga e tij konsiderohet si problem për financat e klubit.
Holandezi ka kontribuar me katër gola dhe një asistim në vetëm tetë paraqitje këtë sezon. Ai gjithashtu është i lidhur me një transferim te Atletico Madridi.
Sa i përket Correas, thuhet se do të ishte një huazim me opsion blerjeje dhe jo një shkëmbim direkt, duke pasur parasysh se kontrata e tij zgjat deri në qershor 2025 dhe ai u ble nga Lazio për një total prej 29.6 milionë euro në vitin 2021.