Derbi i javës në Superligë, i luajtur në Gjilan ka përfunduar me barazim.
Gjilani e Ballkani i kanë ndarë pikët, me ndeshjen që përfundoi 1-1.
Pjesa e parë ishte më energjike dhe i solli të dy golat.
Fillimisht, për Gjilanin shënoi Robert Rrahmani, i cili e mposhti Enea Koliqin me një goditje jashtë zone në minutën e 6-të.
Një minut më vonë, për Ballkanin shënoi Queven, i cili shënoi golin e tretë të tij në dy ndeshje në Superligë.
Pjesa e dytë ishte më e zbehtë nga rastet, derisa portat mbeten të patundura deri në fund.
Kështu, Gjilani u desh të pajtohej me barazimin e dytë në dy ndeshjet e para në elitë, derisa Ballkani me këtë barazim, ka katër pikë të tubuara.