Ndeshja derbi e xhiros së 16 në Superligën e Kosovës në futboll, ndërmjet Gjilanit dhe Dritës do të zhvillohet pa praninë e tifozëve.
Kështu, ka njoftuar të martën skuadra e Gjilanit që është vendase në këtë përballje. Kjo ndeshje luhet të enjten prej orës 13:00 në stadiumin me bari sintetik.
“Për shkak të kushteve jo të favorshme dhe mungesës së tribunave, takimi do të zhvillohet pa prezencën e tifozëve dhe qëndrimi afër stadiumit do të jetë i ndaluar për shikues”, ka shkruar ndër të tjera Gjilani në njoftim.
Edhe ndeshja e parë e këtij sezoni, në të cilën Drita ishte vendase u pat zhvilluar pa praninë e tifozëve për shkak se stadiumi nuk ofron siguri për ta. Aktualisht, Drita është lidere e Superligës më 31 pikë të mbledhura, tetë më shumë se Gjilani që renditet i katërti.