Komisioni Disiplinor i Federatës së Futbollit të Kosovës pas procedurave të hapura nga Komisioni i Garave ka marrë vendim për dy anëtarët e Trepçës ’89 që u ndeshkuan me karton të kuq në ndeshjen me Llapin, shkruan GazetaSport.info
Futbollisti Samir Sahiti dhe ndihmëstrajneri Blerim Berisha janë dënuar me nga dy ndeshje. Ata u ndëshkuan me karton të kluq për sjellje të pahishme gjatë festës së shënimit të golit të Trepçës ’89 në minutat shtesë të ndeshjes.
Vendimet:
Nd.trajneri i FC ”Trepça ‘89”, Blerim Berisha nr ID.013594M84. Pas shënimit të golit ne min e 90+, duke festuar golin shkelmon një shishe PVC në drejtim të fushës së lojës duke i rrezikuar lojtarët në fushë, për çka ishte ndëshkuar me karton të kuq direkt. Sipas raportit të gjyqtarit kryesor të ndeshjes Trepça’89-Llapi. Bazuar në nenin 40 paragrafi 1 pika D të Rregullores disiplinore; Dënohet me 2 (dy) ndeshje mos ushtrim të detyrës zyrtare sipas radhës organizuar nga FFK.
Lojtari i FC ”Trepça ‘89”, Samir Sahiti nr fanelle 8 dhe nr ID.0022659M88. Pas shënimit të golit në min e 90+, ngjitet në tribunat VIP duke festuar në mënyrë të tepruar dhe provokon, fyen me gjeste josportive ndaj bankinës mysafire të FC ”Llapi” për çka ishte ndëshkuar me karton të kuq direkt. Sipas raportit të gjyqtarit kryesor të ndeshjes Trepça’89-Llapi. Bazuar në nenin 40 paragrafi 1 pika D i Rregullores disiplinore; Dënohet me 2 (dy) ndeshje mos lojë sipas radhës organizuar nga FFK.