Enzo Zidane, djali i madh i Zinedine Zidane, ka vendosur të varë këpucët në gozhdë në moshën 29-vjeçare, siç ka zbuluar këtë të martë gazeta ‘As’.
Lojtari, i cili luajti për Aves në 2019, veshi fanellën e Fuenlabrada sezonin e kaluar, në Divizionin e Parë të RFEF (që korrespondon me Divizionin e 3-të), dhe që atëherë ka mbetur i papunë.
Pa arritur kurrë nivelin e babait të tij, Enzo, i cili ishte trajnuar edhe te Real Madridi, vendosi të linte futbollin për t’u fokusuar te tre vajzat dhe investimet e tij.
Vëllezërit më të vegjël janë ende aktivë, duke luajtur në Spanjë. Luca vesh ngjyrat e Granadës, Theo luan për Córdoba dhe Elyaz për Betis.