Boksierja kosovare Donjeta Sadiku është shpallur kampione e Ballkanik të boksit për senior në kategorinë deri 60 kilogramë.
Ajo fitoi medaljen e artë me vetëm një luftë të fituar. Sadiku të martën, në ditën e fundit të Ballkanikut që u mbajt në Albena të Bullgarisë e mposhti boksieren nga Ukraina, Tetiana Dovgal.
Në fakt, pjesëmarrëse në ballkanikun e mbajtur në Bullgari, në kategorinë deri 60 kilogramë ishin vetëm Donjeta dhe boksierja ukrainese.
Donjeta e dominoi kundërshtaren në ring. Ishte bindshëm më e mirë në të tria raundet. I dha grushte të vazhdueshme kundërshtares nga Ukraina për ta fituar medaljen e artë. Në podium doli e vetme për ta pranuar Kupën dhe medaljen e Ballkanikut. /GazetaSport