Liria po vazhdon me përgatitjet për ndeshjen më të rëndësishme të sezonit, atë të barazhit.
Në ndeshjen vendimtare për inkuadrim në Superligën e Kosovës, prizrenasit do të takohen me Ferizajn, që ishte pjesë e elitës këtë sezon.
Kjo ndeshje do të zhvillohet të dielën, në stadiumin “Zahir Pajaziti” të Podujevës.
Në prag të kësaj sfide, tre nga ish-futbollistët e njohur Lirisë; Patrik Doqi, Anel Rashkaj dhe Vedat Muriqi, kanë motivuar ish-skuadrën e tyre.
Mes tjerash, Doqi ka kërkuar nga futbollistë e Lirisë që të lënë shpirtin në fushë.
Ish-kapiteni i Kombëtares së Kosovës, Rashkaj u bëri thirrje futbollistëve që të kapin rastin e tyre, për t’u rikthyer në elitën e futbollit kosovar.
Edhe Muriqi bëri thirrje që Liria të kthejë statusin e skuadrës elitare.