Dortmund ka arritur të marrë një fitore me peshë të madhe ndaj një kundërshtari të fortë si Newcaslte, me gjermanët që fituan me rezultatin 2-0.
Verdhezinjtë e mbyllën pjesën e parë me shifrat 1-0, ku Fullkrug ishte autori i golit në minutën e 26’. Goli i dytë erdhi në minutën e 79’, pas një kundërsulmi tepër të bukur të nisur nga Adeyemi nga porta e tij e duke e dërguar topin në mesin e fushës te Brandt, me yllin e mesfushës i cili avancoi deri në portën angleze dhe shënoi golin e rezultatit 2-0.
Me këtë fitore, Dortmund renditet momentalisht në vendin e parë me 7 pikë, ndërsa Newcastle në vendin e tretë me 4 pikë.