Reperi kanadez Drake ka zbuluar se cilin mes Tyson Furyt dhe Oleksandr Usykut do ta mbështetë në supermeçin e sotëm.
Fury dhe Usyk sot do të ndeshen në Riad të Arabisë Saudite rreth orës 23:30. Fituesi do të bëhet boksieri i parë që mban katër titujt e mëdhenj të botës.
Drake në “Instagram” ka zbuluar se ka vendosur 565 mijë dollarë për fitoren e Furyt. Në këmbim, nëse fiton boksieri britanik, reperi do të fitojë mbi 1 milion dollarë.
Fansat në rrjetet sociale bëjnë rregullisht shaka se Drake është “i mallkuar”. Së fundmi, kanadezi humbi bastin mijëra eurosh në nokautin e Anthony Joshuas ndaj Francis Ngannou, ndërsa humbi edhe gjysmë milionë dollarë të tjera në humbjen e Sean Stricklandit ndaj Dricus Du Plessis në UFC 297.