Legjenda e futbollit çek dhe jo vetëm, i cili njëherësh është edhe drejtor sportiv te Sparta Praha, Tomas Rosicky ka folur për Albion Rrahmanin.
Rosicky ka thënë fjalë të mëdha për sulmuesin kosovar, duke bërë me dije se ka një potencial të jashtëzakonshëm.
“Albioni ka potencial të madh për të vazhduar zhvillimin në moshën e tij. Ai mund të jetë shumë produktiv, siç dëshmohet nga statistikat e tij nga dy sezonet e fundit. Ne besojmë se stili ynë i lojës do t’i ndihmojë të përmirësohet edhe më shumë”, tha Rosicky.
Albion Rrahmani kaloi nga Rapidi i Bukureshtit te Sparta Praha për shumën e 5 milionë eurove.
Me klubin rumun, Rrahmani ishte paraqitur në 28 ndeshje, në të cilat kishte arritur të shënojë 18 gola dhe të dhurojë 6 asistime.
Rrahmani ka pesë paraqitje edhe me fanellën e Kosovës, duke mos arritur ende të shënojë gol.