Drenica ka regjistruar fitore shumë të rëndësishme të shtunën ndaj Llapit dhe me fitore e ka bërë të zjarrtë garën për mbijetesë.
Ndeshjen e zhvilluar në stadiumin “Zahir Pajaziti” në Podujevë, e që i takoi xhiros së 28-të të elitës së futbollit kosovar, Drenica e fitoi 1:0 me gol të Kreshnik Ukës.
Uka me gjuajtje të saktë nga zona realizoi në minutën e 70-të.
Tani Llapi, Ferizaj dhe Drenica i kanë nga 32 pikë.
Llapi është i shtati, Ferizaj është në zonën e barazhit, ndërsa Drenica është në pozitën e parafundit, përkatësisht të nëntën.
Në pozitën e fundit është Prishtina e Re, me 27 pikë.
Edhe Prishtina e Re ka gjasa reale për mbetje në elitë.