Janë zhvilluar vetëm 16 ndeshje në elitën e futbollit kosovar, dhe tashmë duket se lufta për titull ka marrë fund.
Skuadra e Dritës për momentin duket e pakonkurrencë, pasi ka krijuar një shkëputje që në futbollin kosovar duket e paarritshme për kundërshtarët.
Gjilanasit janë të parët në krye me 37 pikë, tetë më shumë sesa Malisheva që është e dyta dhe 10 më shumë sesa Ballkani që është i treti, shkruan Ballkani.info.
Kjo ka bërë që njohësit e futbollit qysh tash të vlerësojnë se Drita do të jetë kampione dhe do ta thyej ritmin e Ballkanit që në tri vitet e fundit u shpall kampion rresht.
Gjithsesi, pranvera shpesh ka ditur të sjellë befasi dhe mbetet të shihet këtë herë, por gjërat tash për tash janë të kristalta dhe Drita vështirë që do ta lëshojë këtë mundësi.
