Skuadra e Dritës ka fituar edhe miqësoren e tretë në po aq ndeshje të luajtura deri më tani në Antalia të Turqisë, ku po e kryen fazën përgatitore para fillimit të stinorit pranveror në Superligën e Kosovës në futboll.
Të premten, Drita e mposhti ekipin nga Letonia, Liepajan me rezultatin 3:1. Ardit Tahiri (20’), Ilir Blakçori (48’) dhe Iran Junior (88’) shënuan golat për triumfin e skuadrës nga Gjilanit.
Para Liepajas, skuadra e Dritës në Antalia ka triumfuar edhe ndaj Tatranit të Sllovakisë (1:0) e Kryvbasit të Ukrainës (1:0).