Pas humbjes nga Prishtina në mesjavë, Drita është rikthyer te fitorja në Superligë për të vazhduar edhe me kryesimin në tabelë.
Në ndeshjen e vlefshme për javën e 13-të, “Intelektualët” shënuan fitore minimale ndaj Ferizajt.
Ndeshja e zhvilluar sot në Gjilan përfundoi me rezultatin 1:0.
Gjilanasit siguruan fitoren në minutën e dytë shtesë (90+2’), kur Besnik Krasniqi realizoi nga pika e penalltisë.
Për ferizajasit ishte kjo humbja e tretë radhazi.
Drita pas kësaj fitore ka 30 pikë dhe është lidere në tabelë, teksa Ferizaj renditet i fundit me vetëm 8 pikë.