Skuadra e Dritës nesër do të zhvillojë ndeshjen e parë në garat e Kupës së Kosovës për këtë edicion ku për kundërshtar e ka skuadrën e Dardania.
Edhe pse Drita është favorite e madhe, trajneri i Dritës, Zekirija Ramadani ka kërkuar nga futbollistët të jenë shumë të përqendruar pasi në këto gara shpesh di të ndodhin befasi.
“Kupa gjithmonë ka befasi, por befasitë ndodhin kur ekipi që është favorit nuk i qaset me seriozitetin maksimal. Sot kishim stërvitjen e fundit dhe kërkesa ime ishte serioziteti, disiplina dhe angazhimi maksimal. Kemi karakter të shëndoshë brenda ekipit, janë të gjithë profesionistë dhe e dijnë çfarë është Kupa, ndoshta një rrugë më e lehtë drejt Evropës. Shpresoj që nesër me punë, motivim dhe angazhim gjatë 90-të minutave ta mbyllim kapitullin”, ka thënë trajneri Ramadani.
Kurse, futbollisti i ri Laurit Behluli tha se fitorja është e vetmja alternativë.
“Duke ditë që ndeshja për Kupë është me eliminim direkt ne do të japim gjithçka nga vetja, duke e respektuar kundërshtarin dhe të dalim fitues nga ky takim. Vetëm fitorja është alternativë e jona dhe të vazhdojmë ndeshje pas ndeshje drejt objektivave tona”, theksoi futbollisti Behluli. /GazetaSport