Drita FC ka siguruar shërbimet e Rilind Hazirajt, njërit prej futbollistëve më të dalluar sezonin e fundit në Ligën e Parë.
Ai ishte një prej më meritorëve që Fushë Kosova siguroi rikthimin në Superligën e Kosovës.
Haziraj shënoi 19 gola në 24 paraqitje me “Pampurat”.
Nga tani e tutje, 24-vjeçari do të jetë pjesë e Dritës.
Rilind Haziraj me klubin gjilanas ka nënshkruar kontratë tre-vjeçare.
Njoftimi i plotë nga Drita FC (pa ndërhyrje):
“RILIND HAZIRAJ ËSHTË LOJTARI YNË
Kemi knaqësin të ju njoftojmë që kemi arritur marrëveshje me sulmuesin Rilind Haziraj
Sot në ambientet e klubit, Haziraj është pritur nga drejtori sportiv i klubit z. Valon Zymberi i cili i ka uruar mirëseardhje në klub dhe suksese në vazhdim të karrierës së tij. Rilindi me klubin ka nënshkruar kontratë tre vjeqare.
Haziraj ishte pjesë e ekipit KF Fushë Kosova ku kishte paraqitje impresive duke shënuar 19 gola në 24 paraqitje dhe duke ndihmuar që të sigurojë superligën ish ekipi i tij KF Fushë Kosova.
Mirë se vjen Rilind”.