Përballja mes Galatasarayt dhe Manchester United në kuadër të Ligës së Kampionëve është në rrezik serioz për t’u shtyrë për shkak të reshjeve të mëdha të shiut në Stamboll.
Reshjet e mëdha të shiut pritet të jenë prezente deri gjatë ditës së nesërme, duke rrezikuar seriozisht shndërrimin e terrenit sportiv në kushte jo të përshtatshme për zhvillimin e një ndeshje futbolli.
Në fushë u panë zyrtar të UEFA-së të cilët inspektuan fushën për të parë nëse janë kushtet e përshtatshme për t’u zhvilluar një ndeshje e futbollit.
Deri më tani nuk ka ndonjë njoftim zyrtar sa i përket kësaj çështjeje, por një gjë është e sigurt, reshjet e shiut nuk do të ndalen gjatë tërë natës.