Skuadra e Dukagjinit ka marrë fitore të rëndësishme në udhëtim te Drenica. Të mërkurën, në ndeshjen e xhiros së 16 të Superligës së Kosovës në futboll, Dukagjini ka triumfuar në stadiumin “Bajram Aliu” në Skenderaj, me rezultatin 1:0.
Golin e vetëm në këtë përballje e shënoi kapiteni i Dukagjinit, Altin Merlaku. Merlaku shënoi në minutën e 20-të për t’ia siguruar Dukagjinit fitoren e dytë rresht.
Me këtë triumf, Dukagjini e kalon Drenicën në tabelë. Ka 18 pikë të tubuara, një më shumë se Drenica që bie në vendin e tetë.