Gentrit Salihu, Faton Neziri, Marclei Santos dhe Progon Maloku janë katër futbollistët e rinj të Dukagjinit të Klinës.
Lajmi është bërë i ditur të enjten gjatë ditës nga skuadra klinase.
Santos në pjesën e parë të sezonit aktual ishte pjesë e Prishtinës. Në stinorin vjeshtor, ai kishte realizuar gjashtë gola në 20 ndeshje, ndërsa pati edhe tri asistime.
Mesfushori Salihu në të kaluarën ka qenë pjesë e Besës së Pejës në Kosovë, ndërsa më pas i ishte bashkuar Portos U19.
Maloku ka luajtur te Erzeni në Shqipëri, ndërsa Neziri ishte pjesë e Istogut.