Dukagjini dhe Rijeka i kanë publikuar formacionet zyrtare të përballjes së parë mes tyre në rrethin e dytë kualifikues të Ligës së Konferencës.
Skuadra kosovare debutoi në këtë edicion në garat evropiane dhe në xhiron e parë e eliminoi ekipin nga Gjibraltari, Europa FC.
E tash, klinasit do të kenë punë me skuadrën e njohur kroate, e cila do të rikthehet në Prishtinë pas një kohe të gjatë.
Skuadra e Armend Dallkut synon rezultat të favorshëm në lojën e parë, e cila do të zhvillohet në stadiumin “Fadil Vokrri”.
Nga ana tjetër, edhe kroatët janë ambiciozë para duelit me ekipin gjelbër e bardhë, ndërsa ai i kthimit do të luhet në Kroaci pas një jave.
Ndeshja mes Dukagjinit dhe Rijekës do të luhet sonte duke filluar nga ora 20:00.
