Futbollistët shqiptarë kanë shkëlqyer këtë vikend në futbollin e elitës kroate.
Arbër Hoxha ka qenë fantastik në fitoren e Dinamo Zagrebit në udhëtim te Rijeka me rezultat 1-2.
Ndonëse hyri në fund të takimit, Hoxha ishte vendimtar duke ia dhuruar tre pikë ekipit të tij, që ia mundësoi ta ruaj pozitën e parë në tabelë.
Sulmuesi kosovar u inkuadrua në lojë në minutën e 87-të, derisa tre minuta më vonë realizoi golin e fitores 1:2.
Falë këtij goli, Hoxha ka zënë vend në formacionin e javës së 33-të në Superligën e Kroacisë nga SofaScore.
Përveç Hoxhës, në formacionin e javës në elitën e futbollit kroat ka zënë vend edhe mbrojtësi kosovar Bujar Pllana që ishte fantastik në fitoren e Slaven Belupos 4:1 ndaj Goricës.
Vend në 11-shen më të mirë kishte edhe për mesfushorin tjetër shqiptar Enis Çokaj.