Donat Rrudhani ka shënuar dy gola në disfatën që e pësoi Luzerni të shtunën.
Luzerni u mposht në udhëtim nga Zurichu me rezultatin 3:2.
Kjo ndeshje i takoi javës së 28-të të Superligës së Zvicrës në futboll.
Në fitoren e Zurichut shkëlqeu mesfushori me tipare sulmuese, Bledian Krasniqi, me një gol e një asistim.
Rrudhani i kaloi në epërsi mysafirët në minutën e pestë.
Vendësit shifrat i barazuan në minutën e 32-të me golin që e shënoi Mounir Chouiar në minutën e 32-të.
Krasniqi dy minuta më pas realizoi për 2:1 në të mirë të Zurichut.
23-vjeçari Krasniqi asistimin e bëri te goli i tretë që e shënoi Samuel Ballet në minutën e 77-të.
Rrudhani në minutën e 96-të nga penalltia shënoi për 3:2, por goli i tij në fund nuk mjaftoi që skuadra e tij ta shmangte disfatën.
Reprezentuesi i Kosovës, Rrudhani, e kompletoi ndeshjen te Luzerni.
Krasniqi u paraqit deri në minutën e 78-të te vendësit.
Luzerni ka 44 pikë në vendin e tretë.
Zurichu ka dy pikë më pak dhe renditet në pozitën e pestë.