Agjencia e Anti-Dopingut për Kosovë ka suspenduar basketbollistin e Golden Eagle Yllit, Terrell Brown, për shkak se i njëjti ka rezultuar pozitiv në testet për doping të bërë së fundmi nga (KosADA).
Brown është suspenduar për tre muaj (04.10.2024 – 04.01.2025) nga ushtrimi i çdo aktiviteti sportiv, raporton AsistOnline.
Basketbollisti i Ylli nuk është i vetmi basketbollist që është suspenduar nga KosADA.
Agjencia e Anti-Dopingut sezonin e kaluar kishte suspenduar basketbollistin e Trepçës, Jordy Tshimanga.
Që të dy basketbollistët janë suspenduar për shkak të përdorimit të substancës së njëjtë, THC tetrahydrocanabinol / Carboxy THC.
Por çfarë është THC tetrahydrocanabinol / Carboxy THC?
Tetrahidrokanabinol (THC) është njëra prej komponimeve kimike që gjenden në kanabis/marihuanë. Ajo ka efekt dehës – që ndryshojnë mendjen. Produktet e kanabisit me THC mund të shkaktojnë ndryshime në humor, mendime dhe perceptime të realitetit. Këto produkte gjithashtu mund të shkaktojnë efekte të dëmshme shëndetësore në tru dhe pjesë të tjera të trupit.Marihuana është një drogë që ndryshon mendjen (psikoaktive), e prodhuar nga bima Cannabis sativa. Marihuana ka mbi 480 përbërës THC (delta-9-tetrahydrocannabinol), që besohet të jetë përbërësi kryesor që prodhon efektin psikoaktiv.
Tetrahidrokanabinol (THC-COOH) është një tregues i fortë se pacienti ka përdorur kanabis/marihuanë. THC-COOH mund të zbulohet në urinë për më shumë se 7 ditë pas një përdorimi të vetëm.