Kylian Mbappe është një nga futbollistët më të përfolur. Shpeshherë ka patur thashetheme rreth një kalimi nga PSG te Real Madrid, por kushtet nuk kanë qenë asnjëherë të duhurat.
Gjatë intervistës së dhënë për RTL, Lucas Hernandez foli për të ardhmen e sulmuesit, kontrata e të cilit skadon në fund të sezonit.
“Ne e dimë, ka shumë pritje. Le të përpiqemi të mos flasim për këtë temë. Tema është tabu. Nëse më duhet të them të vërtetën, ne nuk flasim për këtë. E dimë se ka shumë pritje, ndaj nuk duam ta shqetësojmë shumë.
Pyete atë, varet nga ai. Ai duhet të marrë vendimin më të mirë për të, për familjen, për karrierën e tij. Mendoj se vendimi që do të marrë do të jetë i duhuri, duke shpresuar se ai do të qëndrojë në Paris Saint-Germain me ne” – Tha Lucas Hernandez.