Reprezentacioni i Argjentinës është pritur nga më shumë se katër milionë tifozë teksa festuan fitoren e tyre në Kupën e Botës me një turne me autobus të hapur në Buenos Aires, njofton Mirror.
“La Albiceleste” mundi Francën me penallti për të fituar Kupën e Botës së parë që nga viti 1986, me Lionel Messin më në fund në gjendje të ngrinte lart trofeun e shumëkërkuar. Skuadra argjentinase fluturoi në shtëpi në Amerikën e Jugut të hënën mbrëma, duke mbërritur herët në mëngjes të së martës.
Për të vazhduar festimet, ata tani po zhvillojnë një turne me autobus të hapur nëpër kryeqytet, ku janë mbledhur miliona mbështetës.
Skuadra u mblodh në selinë e Federatës së Futbollit të Argjentinës në Ezeiza në orën 11:00 me orën lokale, me autobusin e tyre të shoqëruar nga Policia Federale. Më pas ata udhëtuan poshtë në autostradën Ricchieri drejt General Paz.
Nga atje, ata vazhduan përmes Lugones poshtë Avenida 9 de Julio drejt Obeliskut. Përreth autobusit kanë qenë miliona njerëz të veshur me ngjyrat e flamurit argjentinas dhe me fanella të kombëtares.
Kapiteni Messi kishte marrë trofeun e Kupës së Botës nga avioni dhe në një autobus të hapur që po priste skuadrën në aeroportin e Buenos Aires.