Arbnor Muja do ta vazhdojë karrierën në Turqi.
Reprezentuesi shqiptar është prezantuar zyrtarisht sonte te Samsunspor.
Sulmuesi nga Mitrovica ka nënshkruar kontratë për tri vite e gjysmë me klubin turk.
Samsunspor bën gara në Superligën e Turqisë dhe ndodhet në pozitën e 15-të, me 26 pikë të grumbulluara pas 24 xhirove.
Muja ishte pjesë e skuadrës belge, Antwerp, nga vera e vitit 2022. Ai më këtë skuadër fitoi titullin e kampionit në Belgjikë, Kupën e Belgjikës, si dhe luajti për herë të parë në grupet e Ligës së Kampionëve.
25-vjeçari karrierën e ka ndërtuar në Kosovë te klubet si Trepça, Trepça ’89 e Drita.
Sulmuesi anësor gjithashtu ka luajtur edhe te Skënderbeu në Shqipëri, kurse për një kohë ka qenë pjesë edhe e Braunschweig II në Gjermani.