Chelsea raportohet se ka shprehur interesim për Kylian Mbappe, e ardhmja e të cilit vazhdon të jetë e paqartë.
Saga e francezit mori kthesën e saj të fundit të premten, kur u bë e ditur se ai ka mbetur jashtë ekipit për turneun para-sezonal në Japoni dhe Korenë e Juguy.
Ky vendim mund të shihet si presion nga PSG-ja mbi Mbappen, i cili është i vendosur për të mos e rinovuar kontratën. Presidenti i klubit, Nasser Al-Khelaifi, në fillim të këtij muaji i dha ultimatum lojtarit: të zgjasë kontratën ose të largohet këtë verë.
Kontrata e reprezentuesit të Francës skadon më 30 qershor të vitit të ardhshëm.
Tani, klubet tjera kanë nisur të interesohen për mundësinë e nënshkrimit me ish-sulmuesin e Monacos, i cili padyshim se është prej futbollistëve më të mirë në botë.
Gazetari nga “RMC Sport”, Fabrice Hawkins, ka raportuar se Chelsea është e interesuar për Mbappen dhe po studion mundësinë e realizimit të transferimit. Asnjë ofertë nuk është dorëzuar deri më tani.
Gazetari francez gjithashtu theksoi se edhe një tjetër klub anglez është i interesuar për 24-vjeçarin. Emri i këtij klubi nuk u zbulua.