Pasi e bëri të ditur largimin nga Prishtina, mesfushori Endrit Krasniqi të mërkurën është prezantuar te Shkëndija e Tetovës.
Krasniqi ka firmosur kontratë deri në vitin 2025 me Shkëndijën dhe bëhet lojtari i dytë brenda pak ditëve që nga elita e futbollit kosovar transferohet te skuadra tetovare. Para Krasniqit, Shkëndijës i është bashkuar edhe mbrojtësi i Dritës, Ardian Limani.
Krasniqi 28-vjeçar, edicionin e fundit e ka fituar Kupën e Kosovës me Prishtinën, ndërsa karrierë në futbollin kosovar ka bërë edhe te Drita e Gjilanit.
Në prezantimin e tij, Krasniqi ka thënë se ndihet shumë i lumtur që do të jetë pjesë e Shkëndijës dhe ka premtuar se do ta jap maksimumin për ta ndihmuar ekipin në arritjen e objektivave.