Skuadra e Trabzonsporit është duke humbur 3:1 ndaj Samsunsporit në ndeshjen e vlefshme për javën e 35-të në Superligën e Turqisë.
Golin e vetëm për mysafirët e shënoi mesfushori shqiptar i Kombëtares së Maqedonisë së Veriut, Enis Bardhi.
Bardhi shënoi një gol tejet të bukur në minutën e 32’të. Lojtari shqiptar shënoi nga gjuajtja e lirë nga një pozitë tejet e vështirë.
Ky ishte goli i shtatë në kampionat këtë edicion me fanellën e Trabzonit, kurse Bardhi ka bërë edhe katër asiste.