Futbollisti norvegjez Erling Haaland i Manchester Cityt, fitoi çmimin e “lojtarit më të mirë të vitit” në Premier League nga Shoqata e Futbollistëve Profesionistë të atij vendi (PFA), njoftoi organizata të martën.
Në sezonin e tij të parë me ‘Qytetarët’, sulmuesi 23-vjeçar u bë golashënuesi më i mirë i Premierligës, me 36 gola në 35 ndeshje, duke kontribuar në titullin e tretë të skuadrës së Mançesterit, të cilin ata e fituan gjithashtu, FA Cup dhe Champions League.
Rekordi i golave në 2022/23 e pa Haaland të dale, si golashënuesi më i mirë në një sezon të vetëm në Premier League që nga krijimi i kompeticionit në vitin 1992, duke tejkaluar rekordet e Andy Cole dhe Alan Shearer, të cilët kishin shënuar 34 gola për Newcastle dhe Blackburn Rovers, përkatësisht në 1993/94 dhe 1994/95.
Në garën për çmimin e “lojtarit më të mire”, sulmuesi nordik mposhti konkurrencën e bashkëlojtarëve Kevin de Bruyne dhe John Stones, si dhe Martin Odegaard, Bukayo Saka, të dy nga Arsenali, dhe Harry Kane, një ish-sulmues i Tottenhamit, tani i transferuar te Bayern Munich.
Ndërkombëtarit anglez Bukayo Saka iu dha çmimi për “lojtarin më të mirë të ri” të vitit, përpara Haaland, Gabriel Martinelli (Arsenal), Jacob Ramsey (Aston Villa), Moises Caicedo (ish-Brighton dhe tani në Chelsea) dhe Evan Ferguson (Brighton).
Çmimet e PFA përfshinin, ndër të tjera edhe 11-shin ideal të Premier League. Në ekipin e vitit bëjnë pjesë edhe portieri Aaron Ramsdale (Arsenal), mbrojtësit William Saliba (Arsenal), John Stones (Manchester City) dhe Kieran Trippier (Newcastle), mesfushorët Rodri (Manchester City), Kevin de Bruyne (Manchester City) dhe Martin Odegaard (Arsenal), dhe sulmuesit Erling Haaland (Manchester City), Bukayo Saka (Arsenal) dhe Harry Kane (Tottenham).