Ermal Krasniqi dhe Albion Rrahmani kanë kontribuar me nga një gol, ndërsa Florent Hasani me një asistim në fitoren e Rapid Bukureshtit në shtëpi kundër Craiovas.
Të premten, Rapidi fitoi 4:3 në duelin që i takoi xhiros së 22-të të Superligës rumune.
Sulmuesi i krahut, Krasniqi realizoi gol në ndeshjen e parë zyrtare me Rapidin. Ai realizoi në minutën e 43-të pas asistimit të Florent Hasanit për ta barazuar rezultatin në 1:1.
Rrahmani shënoi nga penalltia në minutën e 73-të për ta ngushtuar rezultatin në 3:2, përpara se Rapidi të realizojë edhe dy herë për ta fituar ndeshjen.
Krasniqi e Hasani ishin titullar te Rapidi dhe u zëvendësuan në pjesën e dytë, ndërsa Rrahmani u aktivizua deri në minutat e kohës shtesë të takimit.
Me këtë fitore, Rapidi është i treti në tabelë me 36 pikë.