Portieri i Shqipërisë, Etrit Berisha, ka vlerësuar paraqitjen ndaj Çekisë. Ndeshja përfundoi 1:1, ndërsa Berisha kishte një pritje vendimtare.
“Grupi është jashtëzakonisht i mirë. Jemi duke bërë punë shumë të mirë. Kemi mësuar shumë nga vitet e kaluara. Ishim në një pikë jo aq të mirë dhe gjëja kryesore ishte të formojmë një grup edhe më të fortë. Tani kemi më kualitet se ciklin e kaluar dhe si grup jemi edhe më të fortë”, ka thënë Berisha.
“Tani duhet të mendojmë për ndeshjen e radhës. Me këtë ndeshje jemi të kënaqur. Jemi të kënaqur me paraqitjen. E dimë që rruga është ende e gjatë. Kemi kohë të shkurtër deri te ndeshja me Poloninë. Duhet të konsolidohemi. Na është dashur një prezantim si ky sonte. Përballë kishim një ekip të fortë fizikisht dhe i kemi bërë ballë. Shkojmë përpara me vetëbesim më të madh”, ka thënë tutje ai.