Në njëvjetorin e ndarjes nga jeta të futbollistit Erjon Morina, Klubi i Futbollit Vushtrria organizoi një akademi përkujtimore në nder të tij.
Ceremonia ishte e mbushur me emocion dhe respekt, ku trajneri i klubit, Armend Dallku, mbajti një fjalim komemorativ duke vlerësuar figurën, karakterin dhe kontributin e Erjonit si futbollist dhe si njeri.
Përfaqësues të klubit dhe të gjithë lojtarët nderuan kujtimin e Morinës me praninë e tyre, duke shprehur mirënjohje për gjithçka që ai ka dhënë për futbollin dhe komunitetin.
KF Vushtrria thekson se Erjon Morina do të mbetet pjesë e historisë dhe zemrës së klubit, ndërsa kujtimi për të vazhdon të frymëzojë të gjithë.