Federata gjermane e futbollit kritikon FIFA-n për ndalimin e shiritit të kapitenit ‘One Love’

Presidenti i Federatës Gjermane të Futbollit (DFB), Bernd Neuendorf thotë se vendimi i FIFA-s për të ndaluar shiritin shumëngjyrësh të kapitenit në kuadër të kampanjës “One Love” në Kupën e Botës “ishte një kërcënim”.

Duke folur në një konferencë shtypi, Neuendorf tha se masa ishte një “demonstrim i egër i fuqisë nga FIFA”, ndërsa drejtori i DFB-së, Oliver Bierhoff tha se ishte i shqetësuar për vendimin e minutës së fundit.

“Asgjë nuk na u soll në muajt e fundit”, tha ai dhe shtoi se kapiteni i Gjermanisë, Manuel Neuer është “plotësisht i zhgënjyer që nuk i lejohet të mbajë shiritin në krahë”.