Klubi i futbollit Ferizaj është gjobitur të mërkurën me 1000 euro nga Komisioni Disiplinor dhe Etikës i Federatës së Futbollit të Kosovës.
Në vendim thuhet se Ferizaj është gjobitur për ofendimet në kor të tifozëve të Ferizajt në drejtim të trajnerit të Dukagjinit, Ismet Munishi “në minutën e 52-të dhe pas përfundimit të ndeshjes”.
Ndeshja Ferizaj – Dukagjini u zhvillua fundjavën e kaluar. Ferizaj e fitoi 2:1 ndeshjen e javës së 26-të të Superligës.
Munishi në të kaluarën ka punuar si trajner te Ferizaj.
Komisioni Disiplinor dhe Etikës ka marrë edhe disa vendime tjera.