Skuadra e Ferizaj ka njoftuar se me tetë janar do t’i nis stërvitjet për stinorin pranveror në Ligën e Parë të Kosovës, në futboll.
Ferizaj tashmë i ka objektivat e qarta, rikthimi në elitë dhe kjo ka bërë që klubi të mobilizohet duke sjell edhe risi duke e angazhuar lojtar derisa një pjesë të përgatitjeve do t’i zhvillojë në Shqipëri.
Njoftimi i plotë i FC Ferizaj:
Të dashur tifozë të klubit tonë, pas një pushimi të merituar, skuadra jonë me datë 8 janar do të fillojë fazën e përgatitjeve për stinorin pranveror.
Përgatitjet do të zhvillohen në dy faza. Do të nisim me 8 janar, ku deri me datë 27 janar do të qëndrojmë në Kosovë, me që rast do zhvillojmë edhe dy ndeshje testuese apo miqësore.
Kurse me datë 27 janar do të zhvendosem në Shqipëri, konkretisht në Hotel Tropikal, që gjindet në qytetin e Durrësit.
Në Shqipëri i kemi të aranzhuara disa ndeshje miqësore, për ta kthyer ritmin e për të testuar formën e secilit futbollist.
Shpresojmë se kjo kohë e përgatitjeve do të na shërbej që të marrim energjitë e të jemi të gatshëm për një pranverë të nxehtë e të gjatë.
Na pret një pune e madhe dhe ne besojmë fuqishëm se me angazhim maksimal nga e gjithë skuadra, sezonin e ardhshëm do jemi pjesë e Superligës, me synime të qarta dhe jo vetëm si spektator.
Qëndroni me ne sepse ditëve në vazhdim do të bëjmë publike edhe transferet e reja, që padyshim se do e ngrisin cilësinë dhe konkurencen brenda skuadrës.
FC Ferizaj🔵⚪️. /GazetaSport