Napoli ndodhet vërtet pranë fitores së Serie A dhe gjithçka mund të aprovohet që me ndeshjen kundër Salernitanës, e programuar për të dielën.
Tifozët vendas kanë filluar përgatitjet për festën madhështore që do të realizojnë në rrugët e Napolit.
Por, disa të tjerë, tifozë të Napolit, nuk kanë dashur të harrojnë eekipet e tjera rivale të skuadrës së tyre.
Ata kanë përgatitur një pjesë terreni duke e përshtatur si një pjesë të varrezave. Kanë vendosur në të një arkivol dhe sipër tij shallin e Juventus, Interit dhe Milanit, me idenë që këto tre klube të mëdha italiane nuk arritën të ndalinin vrullin e tyre.
Gjithashtu përreth kanë vendosur disa kryqe të ngulur në tokë dhe me stemat e klubeve të tjera të Serie A.