Real Madridi ka shënuar fitore me rezultat 4:2 ndaj Almerias, në kuadër të javës së 32-të në La Liga.
Benzema realizoi hat-trik qysh në pjesën e parë.
Ai fillimisht realizoi në minutën e pestë, i asistuar nga Vinicius Junior.
Francezi shënoi golin e dytë në minutën e 17-të, pas një depërtimi dhe asisti nga Rodrygo.
Ndërsa, hat-trikun e kompletoi në minutën e 42-të duke shënuar nga penalltia.
Almeria e ngushtoi rezultatin në sekondat e fundit të pjesës së parë.
Me të nisur fraksioni i dytë, Rodrygo realizoi për 4:1.
Krejt çfarë bënë tutje mysafirët ishte goli i dytë i shënuar nga Robertone në minutën e 61-të.
Me këtë fitore, Real Madridi shkon në kuotën e 68 pikëve në vendin e dytë, tetë më pak se Barcelona që luan sonte ndaj Betisit.
Në anën tjetër, Almeria mbetet e 15-ta me 33 pikë dhe rrezikon rënien nga liga.