Komisioni i Garave i Federatës së Futbollit të Kosovës ka hapur procedurë disiplinore ndaj FC Prishtinës pas lëshimeve në organizim në ndeshjen Prishtina – Ballkani (1:1) e luajtur në stadiumin “Fadil Vokrri”.
Gjatë ndeshjes disa tifozë të vendosur në tribunën perëndimore janë afruar te bankina e FC Ballkanit dhe kanë fyer vazhdimisht trajnerin Ilir Daja gjë e cila është evidentuar edhe nga delegati i ndeshjes, shkruan GazetaSport.info.
“Inicime disiplinore:
Ndaj: FC ”Prishtina”. Motivi: Lëshim në organizimin e ndeshjes. Në min 2,5,17,32 dhe 35 të ndeshjes, tifo grupi ”Plisat”, të vendosur në tribunën jugore, hodhën mjete piroteknike prapa portës në anën jugore të stadiumit, ndërkaq disa persona nga tribuna perëndimore, prapa bankinës së FC ”Ballkani”, pothuajse gjatë gjithë ndeshjes kishin fyer dhe ofenduar rëndë kryetrajnerin e ekipit mysafir Ilir Daja, duke e penguar në punën e tij. Sipas raportit të delegatit të ndeshjes Prishtina – Ballkani”, thuhet në njoftimin e FFK-së. /GazetaSort