Federata e Futbollit e Kosovës njofton se biletat për ndeshjen Kosova – Andorra po vazhdojnë të shiten në sistemin online.
“Dardanët” do ta zhvillojnë ndeshjen e parë në shtëpi më 28 mars në stadiumin “Fadil Vokrri” në Prishtinë, në ndeshjen që do të fillojë në orën 20:45.
Çmimet e biletave janë si në vijim: Veri dhe Jug 5 euro, Lindje 10 euro, Perëndim 20 euro dhe VIP 80 euro.
Siç njofton shtëpia e futbollit kosovar, biletat po shiten përmes platformës online në linkun e mëposhtëm: https://eu.ebileta.al/biglietteria/listaEventiPub.do
Një person mund t’i blejë deri në katër bileta.
Paraprakisht, Kosova do ta nisë kampanjën kualifikuese të Evropianit të ardhshëm me ndeshjen që do ta luajë ndaj Izraelit të shtunën.