FIFA zgjodhi Portugalinë, si vendin për të kryer teste të VAR-it dhe gjithashtu në EPTS (Electronic Performance and Tracking Systems), sisteme që monitorojnë performancën dhe pozicionimin e lojtarëve, por që përdoren nga ekipet e arbitrave.
“Besueshmëria që frymëzon sistemi portugez VAR dhe kompetenca e strukturës së FPF-së që e mbështet atë, bëri që FIFA të zgjedhë Portugalinë, diçka që këshilli i arbitrazhit e vlerëson shumë. Kjo është dëshmi e mëtejshme e cilësisë dhe njohjes së punës që ka zhvilluar FPF”,- ka thënë José Fontelas Gomes, president i këshillit të arbitrazhit portugez.
Testet u zhvilluan në stadiumin Dr. Magalhães Pessoa, në Leiria, dhe përfshinin pjesëmarrjen e sportistëve meshkuj dhe femra nga shoqatat e futbollit Leiria dhe Santarém.