Përfaqësuesja e Finlandës në basketboll ka arritur sukses të madh.
Finlanda, për të cilën paraqitet Edon Maxhuni, është kualifikuar në gjysmëfinale të Eurobasketit.
Në çerekfinale, të mërkurën në Riga të Letonisë, Finlanda e mposhti Gjeorgjinë me rezultat bindës, 93:79.
Maxhuni e përfundoi ndeshjen me 15 pikë e katër asistime. Lauri Markkanen udhëhoqi Finlandën me 17 pikë e gjashtë kërcime. Sasu Salin i kishte 14 pikë e shtatë kërcime, ndërsa Mikael Jantunen ishte më efikasi me 19 pikë.
Finlanda për herë të parë në histori u kualifikua në gjysmëfinale të Eurobasketit.