Xhakomo Vironi bëhet gati të kthehet në Europë. Sulmuesi i Kombëtares shqiptare i ka dhënë fund aventurës amerikane pas katër vitesh, në të cilat la pak shenjë përtej Atlantikut, por u kthye si milioner.
Në katër vitet e tij, fillimisht me Nju Inglënd dhe pastaj CF Montreal, Vrioni ishte rrallëherë protagonist, por shijoi një kontratë të majme nga e cila në katër vite ka përfituar rreth 7,5 milionë dollarë, sipas shifrave zyrtare.
Por tani, pas katër vitesh në hije në SHBA, atij i duhet të nisë gjithçka nga e para në Europë dhe interesi për të nuk ka qenë maksimal. Gjithsesi, mediat italiane raportojnë se për Vrionin kanë dalë në skenë dy klube italiane, me saktësisht Çezena dhe Rexhiana në Serinë B, të cilat janë të gatshme t’i ofrojnë atij mundësinë të tregojë se sa vlen.