Dinamo e Tiranës ka shënuar fitore të madhe në ndeshjen e parë të rrethit të dytë kualifikues të Ligës së Konferencës.
Dinamo që drejtohet nga trajneri Ilir Daja, fitoi në udhëtim tek Atletic Escaldes e Andorrës me rikthim të rezultatit, 2:1.
Nayry Vieira shënoi për vendësit në minutën e 43-të, por sulmuesi i Kosovës, Baton Zabërgja në minutën e 65-të i barazoi shifrat.
Më pas, Zabërgja asistoi në golin e realizuar nga Eridon Qardaku, katër minuta para fundit.
Ndeshja kthyese luhet më 31 korrik në “Elbasan Arena”.
Dinamo që e fitoi Kupën e Shqipërisë në edicionin e kaluar, në garat evropiane kthehet pas 15 vjetësh mungesë.
Në rast të kualifikimit, në rrethin e tretë do të përballej me fituesin e ndeshjes Zira – Hajduk.