Barcelona mbrëmë ka bërë edhe një gabim në La Liga.
Skuadra katalanase nuk arriti më shumë se një barazim 1-1 si mysafire e Getafes, duke e quar në katër numrin e ndeshjeve pa fitore në kampionat.
Trajneri i Barcelonës, Hansi Flick, nuk mund ta fshihte zhgënjimin e tij pas këtij barazimi.
Ai u ankua për rastet e humbura nga lojtarët e tij dhe tha se Barca kishte dy herë më shumë tentime për gol sesa vendasit.
“Ne donim të fitonim dhe kishim shanse për të fituar. Jam shumë i zhgënjyer që nuk mundëm të shënonim më shumë gola.
Ju mund të shihni se si është të luash këtu në Getafe . Ata mbrojnë mirë. Ne krijuam raste, por nuk ishim në objektiv. Duhet të vazhdojmë. E përsëris që kishim raste, veçanërisht në pjesën e parë. Pas kësaj , Mendoj se na mungonte pak më shumë saktësia e pasimeve.”, deklaroi Flick pas ndeshjes.
Tekniku gjerman tha se Barcelona nuk do të dorëzohet për titull edhe pse renditet në vendin e tretë me 39 pikë, katër më pak se Reali që sot përballet me Las Palmasin, dhe gjashtë pikë prapa Atletiko Madridit.
“Por kjo është ende një rrugë e gjatë për të bërë dhe ne do të luftojmë deri në fund duke u përpjekur të fitojmë La Ligën. Na humbën dy pikë, por fituam një, kështu që duhet të shohim përpara dhe të përpiqemi të përmirësohemi duke ecur përpara.”, deklaroi Hansi Flick.