Mesfushori i Kosovës, Florent Muslija, po kërkohet nga disa klube të Bundesligës gjermane, ka raportuar “Sky Sport” i Gjermanisë të hënën.
Muslija, që është pjesë e Paderbornit të kategorisë së dytë të futbollit gjerman, po kalon formë të shkëlqyer në edicionin aktual.
Ai ka shënuar tetë gola dhe ka dhuruar katër asistime në 15 paraqitje në të gjitha garat.
Megjithatë, emri i klubeve nuk është bërë i ditur.
Muslija është zhvilluar si futbollist te të rinjtë e Sasbach dhe Karlsruhe, ndërsa ishte edhe pjesë e Hannoverit, nga ku u transferua te Paderborni në vitin 2022.
25-vjeçari me Kosovën ka 23 paraqitje dhe një gol të shënuar.